.

Cu sta curuna ri nievura azzurrina

Ci si’ tu, ‘a Regina ianca ra Siciria mia:

cu ti chiama Muntagna, cu Etna nivusa,

tanti no’ sanu chi si’ piricurusa.

Quannu cuminci a mentiri suspiri

Ci duni’ u tempu ri putiriti capiri,

picchì sapimu chi dopu picca iorna

ti menti a dari botti ne ‘cuntorna

Quannu ti stanchi dopu ri spittari,

ca’ to tussi ti menti a respirari,

ti stappi ‘u tappu cu’ ‘ na botta forti,

ci manni ciniri e lava pi paisi e zotti.

Non ci sta beni quannu tu cuminci,

pcichì tanti ri voti chiui non ci-‘a finisci;

ti porti ra pressu a cu ti convieni,

lassi ciangennu ‘a genti chi tieni.

Tutti rispiettu t’an’ ‘a  purtari,

picchì è tua ‘a terra  ri nostri natari,

picchì quannu ti fanu siddiari

chi to scossi ‘n-gruppa chiui non sai purtari.

Poi, quannu pensi ri iritinni via,

capisci chi tutti i genti pensanu a tia,

ti preganu chi santi e cu tutti i lorati

pi tiniriti bona e no’ angustiariti.

Ogni mat(t)i(n)a quannu ni arzamu,

bella Siciria mia, ni sarutamu,

ni ‘ncuntramu a ogni arzata ri suri

e pi’ cuntintiz(z)a  cantu r’amuri.

Pi’ terra e pi’ mari vuogghiu cantari

l’Odissea ri Ulissi e u’ so’ mari,

ri Taormi(n)a cu’ so’ teatru grecu,

pi’ ‘rivari a parrari ri templi’ r ’Agrigentu.

Cu’ tutta ‘a storia chi’ ai supra ri tia

ci mentu Rannazzu chi mi sta ‘ndo cuori a mia,

ch’avi cultura greca,lati(n)a e longobarda,

ca so’ genti l’avissa renniri gagliarda.

Datu chi ‘a me’ fantasia mi du(n)a ri parrari

mi ‘nzonnu sempri comu luccichi’ndo mari,

profumi ri zagara ri aranci duci e amari

e i to’ figghi sun(n)u sempri lenti pi si ripigghiari.

Le altre poesie